شەفەق نیوز/ وەڕێەبەر جیوەجیکار مانگ سوور کرمان، رەزا فەلاح، ئمڕوو سێشەممە، راگەیان لەوەر لافاوەگەی شار جیرفت لە باشوور پارێزگای کرمان 14 کەس گیان لەدەسدان.

وەپای خەوەریگ لە سایت (عصر ایران) رەزا فەلاح راگەیاندیە، شەوەکی شەفەق ئمڕوو تیمەیل مانگ سوور توەنستن تەرم دوو کەس ترەک لە خنکیاگەیل لافاوەگەی شار جیرفتی لە پارێزگای کرمان پەیابکەن، وە یەیش شمارەیگیان لەدەسدان رەسیە 14 کەس.

مانگی سووری کرمان وتیش، ئەوانەگ گیانیان لەدەسدانە، 6 ژن و 7 منداڵ و 1 پیاون، و دیاریکرد، هووکار دروسبوین لافاوەگە واان وارین رفتیگ و بەرزەوبوین ئاست او بویە لە چەم شارەگە.

ئاشکرایکرد، تیمەیل وە هاناچگن هانە مینەکردن کەسە گومبویەیل ترەک تیرنگە 64 تیم فریاگوزاری کە 16 تیمیان سەر وە مانگ سوور پارێزگاگەن، مینەکردن و وشکنین دەسوەپیکردنە.