شەفەق نیوز/ سەرۆک دەزگای لوتکە ئەرا کاروبار ئاوارە و پەنابەرەیل راگەیان، بەلەمیگ لاستیکی کە سەرنشین هەڵگردبوی لە کناراوەیل پارێزگای چانەکالێ لە باکوور رۆژئاوای تورکیا نوقم بوی، وەلایەن کەم 22 کەس خنکیان.
ئاشکەرایکرد، هەفت لەو کەسەیلە خنکیانە مناڵن و چوار کووچبەر قورتارکریانە و تا ئیسە شمارەی کووچبەرەیل بان بەلەمەگە دیار نییە.
دیاریکرد، تا ئیسە زانیاری لەبان رەگەزنامەی قورتارکریاگ و خنکیاگەیل ئاشکەرا نەکریاس.