شەفەق نیوز/ عەلی دایی ئەفسانەی تووپان ئیرانی، دووپات کرد ک دەسەڵاتەیل ئیران فڕۆکەیگ لە دوورگەی کیش وەناکاوەو وسان چوینکە خانەوادەگەی هاتە ناوی ک خوازن لە ئیران ئەرا دوبەی بچن.
عەلی دایی ک وەرجەیە لەبان پاڵپشتیکردن ناڕەزایەتیەیل جەماوەری ئیران دەسنریا بان پاسپۆرتەگەی، وت: ژن و دویەتەگەی وە شیوەیگ یاسایی لە تەهران دەرچگن، ڕیجا وەناکاوەو کاروانەگە لە دوورگەی کیش وسیا.
دایی وتیش: خانەوادەگەی خوازینە بانە دوبەی و لە هەفتەی ئایندە دووارە ئەرا ئیران گلەو بخوەن.
دەسەڵاتەیل ئیران و کۆمپانیای فڕۆکەوانی هویچ باسیگ لەی باوەتە نەکردنە.
وەلێ میدیایل راگەیانن فەرمی ئیران وتن: دەسەڵاتەیل، رووژ دووشەممە، کاروانیگ ئاسمانی گلەو دانە تا نەیان ژن و دویەت عەلی دایی کاپتن وەرین هەڵوژاردەی تووپان ئیران لە وڵاتەگە دەرچوود.