شەفەق نیوز/ دویای ئەوەگ پشیگ کەفێدە ناو قاویگ ژەهر و دیاری نیەمینێد، شار فۆکۆیامای ژاپۆن کەفێدە حاڵەت ئامادەباشی.
وەپای خەوەریگ لە پێگەی واشنتن پۆست ئەمریکی، پشیەگە کەفتیەسە ناو قاویگ مادەی ژەهر ک کارگەیگ دروسکردن بۆیەی کانزا و دویایی وایە و تا ئیسە پەیانەکریایە.
وەپای قسەی شارەزایەیل مژار پزیشکی هەرکەسیگ بەرکەفتە وەرد ژەهرەگە بیاشتوود تویش هەستیاری پوس و چەو و شێرپەنجەی سویەیل بوود، و هەرکەسیگ بنووشێدی تویش ژانە زگ و زگچوین و لەکارکەفتن دڵ بوود، هاتێ بوودە هووکار مردنی.
لەوەر ئەوەگ تا ئیسە چارەنویس پشیەگە نادیارە، داوا لە مناڵەیل کرێد لە پشی نزیکەو نەون و هەر حاڵەتیگ نامۆ وەدی کردن لایەنە پەیوەنیدارەیل خەوەردار بکەن.