شەفەق نیوز/وەپای ئەوەگ میدیایەیل ئیرانی بڵاوی کردنە لەوەر تەقینەوەی غاز بینایگ لەشار بۆکان رمیاگە و شەش کەسیش گیان لە دەسدانە چواریش زەخمدارە.
ئاژانس خەوەری فەرمی ئێرنا ئیران راگەیاندیە، لەشار بۆکان لە خوەرهەڵات کوردستان تەقینەوەیگ رویدایە، وەقسەی وەرپرسەیل لەدویای وە دویاچگن ئەرایان دەرکەفتیە هاتێ تەقینەوەگە لەوەر دزەکردن گاز بویە.
دیاریکرد، بینایەگە وەتەوای رمیایە و وە رێژەی 70 لەسەد زەرد کەفتیەسە وەر بینایەگان دەوروگەردی.
وەرپرسەیل باس لەوەکردنە، تیمەیل ئاگر کپکردن توەنستنە تەرم شەش کەس درارن ک دوانیان مناڵ یەک خیزانن و یەکیگ لە زەخمدارەیلەیش کارمەند ئاگر کپەوکردنە، مینەکردن وەردەوامە وەپای قسەی شایەتحاڵەیل هاتێ کەسەیلیگتر لەژیر داروپەردوو رمیایەگە بن.