شەفەق نیوز/ زریانیگ دایەس لەشمارەیگ لە ویلایەتەیل ئەمریکا، وەگەرد کووەوبوین یەخ و وای تونیگ، بویە مدوو هەڵوشانن و دویاخسن هەزاران گەشت ئاسمانی لە وەرز پشووی گشت وڵاتەگە.

پێگەی چەودێری گەشتەیل "فلایت ئەوێر" خەوەردا، وە دویاخسن 700 گەشت ئاسمانی لە ئەمریکا، لە رووژ دویەکە شەممە و هەڵوشانن زیاتر لە 200 گەشت ترەک.

پێگەگە راگەیان، سێ چارەک گەشتەیل دویاخریانە لە فرۆکەخانەی هارتسفێلد جاکسۆن ناودەوڵەتی لە ئەتلانتا، و نیمەی گەشتەیل ئاسمانی ئایندەی فرۆکەخانەی دالاس/فۆرت ۆورس ناودەوڵەتیش دویاخریاس وەگەرد فرۆکەخانەی جۆرج بۆش ناودەوڵەتی لە هیوستن.

دەزگای کەشوهەوای نیشتمانی و دەزگایەیل جیوەجیکردن یاسا ناوخوەیەیل راگەیاندنە، رووژ شەممە وە لایەن کەم 10 گەردەلوول لە ویلایەت تەکساس، لویزیانا و میسیسیپی لە باشوور خوەرهەڵات ئەمریکای گردیەسەو و وە مدوویەو کەسیگ لە   نزیک شار هیوستن گیان لەدەسدا.