شەفەق نیوز/ ڕۆژنامەیەگ فەرەنسی بڵاو کردگە ک  لەلایەن ددامەزراوەی پۆلیسی وڵاتەیلیان بڕێ قاچاخچی دەستگیر کریانە ک ملیۆنەها دۆلار لەڕی بردن كۆچبەرەیل کەفتیەس ەدەسیان.  

وەپەی  ڕۆژنامەی لو باریزیان-ی فەرەنسی لە ناوچەی گراند سانتی فەرەنسا 15 قاچاخچی دەستگیرکریانە ک وە نایاسایی پەنابەرەیلە لە فەرەنساوە  ئەرا بەریتانیا بردنە.    

رۆژنامەگە وتیش: لە ئەنجام لێكۆڵینەوەگە دەرکەفتگە ک قاچاخچییەیلە  ڕەگەزنامەی عراقی، ڕۆمانیا، پاكستانی و ڤیتنامی داشتنە و مانگانە نزیكەی 250 پەنابەر هاوردنە و لە هەر پەنابەریگ شەش هەزار و 700 دۆلاریان بردنە.    

رۆژنامەی  لو باریزیان باس ئەوەیش کرد ک وەپەی دوایین ئامار ئمساڵ تیمە فریاگوازارییەیل فەرەنسا لە سنوور ئاوی ناوبەین فەرەنسا و بەریتانیا هەفت هەزار و 800 كەس لە مردن ڕزگار کردنە.