شەفەق نیوز/ وەزارەت وەرگیری روسیا، ئمروو چوارشەممە، وەخوار خستن ٣٤ درۆن ئۆکرانی راگەیان وەبان زەوی روسیا.
وەزارەت وەرگیری روسیا لە بەیاننامەیگ کە ئاژانس سەفەق نیوز دیەسێ راگەیاندییە، '' سیستم وەرگیری ئاسمانی ٣٤ درۆن ئۆکرانی وەخوار خستیە، لەلیان ١٥ درۆن لەبان زەوی کەرت کۆرسک، و ٨ درۆن لە زەوی کەرت بریانسک''.
دیاریکرد ''سیستمەیل وەرگیری ٧ درۆن وەخوارخستنە لە بان زەوی کەرت ئۆریۆل، و ٣ درۆن یەکیگیان لەبان زەوی فلادیمیر، یەکیگیش لەبان زەوی کەرت بیلغورود''.
شارەوانی شارە خارکیڤ ئۆکرانیا ئیهور تیرەخوف وت ''لە ئەنجام گورزەیل روسیا لە ری درۆنەی دەیان کەس زەخمدار بوینە''.
خارکەڤ لە بان پلاتفۆرم ''تلیگرام'' وت؛ ''٣٩ کەس وە لای کەمەو زەخمدار بوینە بریگیان بارودۆخیان رخدارە'' دیارییکرد ''وە لەی کەمەو ١٦ گورز توومارکریاس، زەرەد وە بینا بەرزەیل و ماڵ و پێگەیل پزیشکی و ژیرخانەیل ئابوری شارەگە رەسانییە''.