شەفەق نیوز/ دەزگای لوتکە ئەرا کاروبار ئاوارەیل و پەنابەرەیل، ئمڕوو شەممە، راگەیان، لە رووژەیل چوارشەممە و پەنجشەممەیهەفتەی وەرین پۆلیس کناراوەیل  ئیتاڵیا توەنستن 156 کووچبەر لە دەریای ناوەڕاست قورتاربکەن.

وەپای وەدویاچگن دەزگای لوتکە، “یەکەم ئۆپەراسیۆن لە رووژ چوارشەممە 19ی شوبات 2025 وەلایەن کەشتییگ گەشتیاری ئەنجامدریا، ئێ ئۆپەراسیۆنە بویە مدوو قورتارکردن  52 کەس کە شەشیان ژن بوین و یەکیگیان دووگیانبوی، مینەکردن ئەرا ئێ بەلەمە ماوەی رووژیگ تەواو وەردەوام بوی".

دیاریکرد، "ساعەت 9:30 خولەک دویای نیمەڕوو، کەشتی دویەم  ئۆپەراسیۆن قورتارکردن ئەنجامدریا 64 کەس قورتارکریان کە پەنج ژن و منداڵیگ تەمەن سێ ساڵان لەناوی بوی، گشت کووچبەرەیل وەلایەن پاسەوانەیل کەناڕاوەیل ئیتاڵیا چەودێری کریەن".

ئاشکرایکرد، کەشتی فریاگوزاری رێکخریاگ مرۆیی ئێس ئۆ ئێس توەنستیە زیاتر لە 40 کەس کە لە بەلەمیگ پلاستیکی نەپوریاگ لەناو دەریابوین لە شەو  چوارشەممە تا پەنجشەممە 19لەبان 20ی شوبات قورتاربکەێد”.