شەفەق نیوز/ ریخریاگ ئەمرکی مناڵ ( یونیسف)، ئمڕوو سێشەممە، راگەیان لە وەخت بڵاوبۊین پەتای کۆرۆنا تا ئیسە  نزیکەی 1.6 ملیۆن کەس لە جەهان لە خوەنستن دابڕیانە، حکومەتێلە تەقەلا دەن جاریگتر مەکتەوێل ئەرا مناڵێلە واز بکەن.       

یونیسف لە کوڵە پۆستێگ لەبان تووڕ کۆمەڵایەتی باسکرد، پەتای کۆرۆنا بۊیە هووکار لە وسانن خوەنین ئەرا مناڵەێلە لە گشت ناوچەێل جەهان، هەرەشە لە هەڵوەشیان پێشکەوتنەێلە کەێد.     هەرلیوا باس لەوە کرد ک دەسمیەتیدان مناڵەێلە لە دەسکردن وە خوەنستنیان ئەرا مقیەتیکردن ئایندەیان گرنگە.          

 لە عراق خوەنەوارەێل دەسکردنەوە وە خوەنین ئامادە بۊین لە ماوەی ئی مانگە، لە کوردستانیش لە نیمەی مانگ ئەیلول گوزەشتە دەسکردنەپێ، یەیش دۊیای دو ساڵ لە دابڕیان لەوەر کۆرۆنا.