شەفەق نیوز/ دۆناڵد ترەمپ سەرۆک ئەمریکا، ئمڕوو سێشەممەر لاوردن ٤ وەرپرس حکومەتی گەورە راگەیان، کە جۆ بایدن سەرۆک وەرجەخوەی دانەسەیان، و هوشداری دا کە شایەت زیاتر لە هەزار ترەکیش لاوێد، لە یەکەمین پۆستی لەبان پلاتفۆرم "ترۆس سۆشال" دویای وەرگردن پۆستەگەی.
ترەمپ نویسان کە نویسینگەی خوەم ئەرا فەرمانبەرەیل سەرۆکایەتی وەشیوەی گورجیگ کار کەێد ئەرا دیاریکردن و لاوردن زیاتر لە هەزار فەرمانبەر سەرۆکایەتی لە دامەزریان ئیدارەی وەرین، کە وەگەرد نووڕین ئیمە نیەگونجیەن ئەرا ئەوەگ بیلیمن ئەمریکا دووارە مەزنەو بوود.
ئەو چوار وەرپرسە هەرلە خوسێه ئەندريس لە ئەنجومەن سەرۆکایەتی ئەرا وەرزشی، و مارك ميلی لە ئەنجومەن سڵاکاری نیشتمانی ئەرا ژیرخانی، و براين هوك لە ناوەند ويڵسون ئەرا شرۆڤەکلرەیل، و كيشا لانس بوتومس لە ئەنجومەن سەرۆکایەتی ئەرا هەناردە بوین، کە جیوەجی لاوریەن.
لە پۆستەگە هات کە یە جویر فەرمان فەرمیە ئەرا لاوردن ئەو چوار کەسە، و چەوەڕی بکەن بڕیگ ترەک لە شوینیان دەرچن.
ترەمپ خوەی ئاسای لە کۆتایی وت: (ئیوە وە دەیشت).
دامودەزگایل حکومەتی کەورەیگ ئامادەکاری ئەرا ئاڵشتبوین کەورەیگ لەی رووژ هەفتەیل بانانە کەن، دویای پەیمانەیل هەڵوژاردن ترەمپ لە بڕین لە بڕ ئیدارەیل حکومەتی و زیایکردن کارایی، و هەڕەشەیل بەسانن دەزگایلیگ وە تەواوی.