شەفەق نیوز ـ نیشاپوور

ورپرسە تەندروسیەیل لە شار نیشاپوور ئیران، ئموو یەکشەممە، راگەیانن، وە مدوو نوشین نوشەمەنی کحولی ساختە دەیان کەس ژەهراوی بوین و سێ کەسیش گیان لەدەسدان دوو کەس ترەک تەندروسیان ناجیگیرە و هانە ژیر چەودێری هویرد.

وەپای ئامارە فەرمیەیل تەندروسی شار نیشاپوور لە کوو ئەو 33 کەسە ژەهراوویبوین 30 کەسیان لە خەسخانە مەننە و هێمان چارەسەر وەرگرن.

وەڕێوەبەرایەی پۆلیس نیشاپوور ئاشکراکرد، هێزەیل ئەمنی توەنستنە هەشت کەس وە توومەت  دروسکردن و بەشکردن ئەو نوشەمەنی کحولی ژەهراویە دەسگیربکەن.

جیباسە، دیاردەی ژەهراوی بوین وە کحول ساختە لە ماوەی چەن ساڵ گوزەشتە لەناوچە جیاوازەیل ئیران دوارەوبوین وەخوەی دیە و لە مانگ تەمووز ساڵ 2025 لەشار دێزفول 31 کەس وە هەمان هووکار ژەهراویبوین و یەک کەسیش گیان لەدەسدا.