شەفەق نیوز/ وەگورەی خەوەریگ لەئاژانس خەوەری " ئانادۆلۆ" لە نیمەی یەکەم ئمساڵ لە غانا ک یەکیگە لە وڵاتەیل خوەرئاوای ئەفریقا، 23 هەزار و 495 کەس تویش بیماری ڤایرۆسی نەمان وەرگیری لەش "HIV" بوینە، حکومەتیش هەڵمەت نوو دژ بڵاوبوینی دەسوەپی کەێد.

وەریەوبەر ناوەند کۆنترۆلکردن بیماری ئایدز لە غانا، د.ستیڤن ئایسی ئادۆ لە بەیاننامەیگ  ئاشکەراکردیە لە ماوەی مانگ کانوون دویەم تا حوزەیران 2022، لە وڵاەتەگە 948 کەس و 94 کەس  وشکین ئایدز ئەرایان کریاگە ک لە ئەنجام وشکینەگە 23 هەزار و 495 کەس  پۆزەتیڤ بویە ئەنجامەگەیان، لە دویای دەسنیشانکردن  بیماریەگە فرەیان چارەسەر ئەرایان کریاگە.

ستیڤن ئایسی ئادۆ ، دووپاتکرد، ئی شمارەی نووە فرە بەرزە، هەر وەی مدوویە بایەت مەردم زیاتر هوشیار بکریەن و رێنمایی بکریەن.