شەفەق نیوز/ روانگەی ماف مرۆڤ سوریا، ئمڕوو جمعە، خەوەردا کە ئیسرائیل سەرکردەیگ لە حزبولڵای عراق کوشێد، وە پەلاماریگ درۆن وەبان ماشینەگەی لەبان ری فڕۆکەخانەی ناودەوڵەتی دیمەشق.

روانگەگە ئەرا ئاژانس شەفەق نیوز وت: ماشینەگە لە نزیک ساعەت پەنج شەفەق ئاگر گرد، و ماشینەیل فریاکەفتن روی وەرەو شوین ماشینەگە کردن، کە چەن کیلۆمەتریگ لە ناوچەی سەیدە زەینەب دویر بوی.

دیاری کرد کە ئەو سەرکردە بارەگای سەربازی و شوین خوەی لەناوچەگە دیرێد، و دیار نییە وەرەو کام شوین روی کردیە.

سەرچەوەگە وتیش؛ دەنگ رممەی کەورەیگ نەڕەسیە گووش هەکاتی دەنگ گورز فڕۆکەیل جەنگی نەویە، کە دیار مووشەک هویردیگ ماشینەگەی کردیەسە ئامانج.