شەفەق نیوز/ ئیبراهیم رەئیسی سەرۆک ئیران، ئمڕوو شەممە، زوور لەبان گرنگی رەفتارکردن وە تونی کرد وەگەرد ئەوانەگ وەپیان وت (پیشەلکارەیل ئاسایش گشتی) و دیاری کرد ک جیاوازی ناوبەین ناڕەزایی و پێشێلکردن ئاسایش هەس.

ئی وتارەیل رەئیسی لەسای ناڕەزایەتیەیل فراوانیگ تیەێد ک وڵاتەگە وەخوەی دوینێد، دویای مردن مەهسا ئەمینی ک لە مەوقەی دەسگیرکردنی وەلایەن پۆلیس ئەخلاق لە تەهران لەوەر لەجگ سەری.

رەئیسی ئی قسەیلە لە پەیوەندییگ کرد وەرد خانەوادەی ئەندامیگ لە هیزەیل "بەسیج" ک حکومەت ئویشێد گوایە لە ناڕەزاییەیل رووژ چوارشەممە کوشیاگە، وەگورەی قسەی ئاژانس ئیرانی فەرمی (ئیرنا).

سەرۆک ئیران زوور لەبان گرنگی رەفتارکردن وە تونی وەگەرد پیشەلکارەیل ئاسایش گشتی کرد.

ئاژانس ئیرانی وت: ئەو ئەندامە لە بەسیج وەناو محمد رەسوڵ دوست محمد لەناو ناڕەزییەیل لە شار مەشهەد لە رووژ چوارشەممەی گوزەشتە وە چەقوو کوشیاگە.