شەفەق نیوز/ میدیایل راگەیانن ئەوروپایی، ئمڕوو یەکشەممە، خەوەردان لە دەنگدان پەرلەمان ئەوروپا لەبان قەیەغەی فرووشتن ئەو ماشینەیلە ک وە بەنزین ودیزڵ لە یەکێتی ئەوروپا کار کەن، لە ساڵ ٢٠٣٥ وەرەولا.
میدیایل راگەیانن باس ئەوە کردن ک ئەوە کار گرنگیگە ئەرا وەدەسهاوردن ئەنجامەیل سەوز ئەرا ناوچەگە. ٣٣٩ ئەندام لە پەرلەمان ئەوروپا دەنگ لەبان ئەو پلانەیلە دان ک کۆمسیۆن ئەوروپا پیشنیاریان کرد، و ٢٤٩ دەنگ دژوە پیشنیارەگە بوین، و٢٤ پەرلەمانتاریش بیدەنگ بوین.
یەکێتی ئەوروپا گامیگ نزیکتر وەرەو ئامانج کەمەوکردن تەکان لە ماشینیگ سواری نوو وماشینەیل بازرگانی سووک چوود وەئاست ١٠٠% لە ساڵ ٢٠٣٥، وەچەو ساڵ ٢٠٢١، و لەساڵ ٢٠٣٠ ئامانجەگە لە کەمەوکردن تەکان گاز رەسێدە ٥٠% ئەرا بارهەڵگرەیل بویچگ، و ٥٥% ئەرا ماشینەیل.
هەرلیوا، بەریتانیا خوازێد لە ساڵ ٢٠٣٠ فرووشتن ئەو ماشینەیلە بووسنێد ک وە دیزڵ و بەنزین کار کەن.