شەفەق نیوز ـ تەهران
دەسەڵاتداەیل دادوەری، ئمڕوو یەکشەممە، خەوەردان لە لەسێدارین پیایگ کە پۆلیسگ تلانیە لەوەخت رویوەرویبوینەیل کە وەرجە چوار ساڵ رویدا.
ئیران کارەیل لەسێدارەدانی خەسەوکردیە وە مدوو پەلامار ئەمریکی ئیسرائیلی وەبانی لە 28 فێبرایەر/شوبات گوزەشتە، و ناڕەزایەتییەیل دژ بە حوکمەت کە وڵاتەگە لە سەرەتای ساڵ نوو وەخوەی دی، وەپای وقستەی "فرانس پرێس".
وەپای رێکخریاگ لێبووردەیی جیهانی، ئیران سزای لەسێدارەدانی لە بان شمارەیل جیهانە، جیا لە چین.
ماڵپەڕ "مێزان ئۆنلاین"، سەر وە دەسەڵات دادوەری، لە دادوەر ناوخوەیی عاریف ئەکبەری گواستەو وت "سزای لەسێدارەدان جیوەجی کریا لەبان بکوش رەزا ئەحترامی، کە ئەفسەریگ بوی و لە یەکەی فریاگوزاری سەر وە پۆلیس ئیرانی کارکرد".
ئاشکرا کرد، جیوەجیکردن سزای لەسێدارەدان دوای تەواوکردن لێکۆڵینەوەیل و رێکارەیل دادوەری، و پەسەنکردنی وەلایەن دادگای باڵا هات.
توومەتبارەگە، کە لە ماوەی دادگاییکردنەگە وە ناو "دانیال" ناسریا، وە کوشتن ئەفسەر رەزا ئەحترامی سزادریا، کە لە هێزەیل جیوەجیکردن یاسا لە شار بەندەر عەباس باشوور ئیران خزمەت کرد.
لە ساڵ 2022، ئەحترامی کوشیا لەناو رویوەرویبوینەیل پۆلیس و قاچاخچییەیل سزەمەنی، دویای ئەوەگ ماشینيگ توومەتبارەگە لەزانی ببوی تلندێ، وەپای راپۆرتەیل گوزەشتە کە دەزگایەیل راگەیانن فەرمی بڵاوی کردنە.