شەفەق نیوز- تاران

"هەڵمەت مافەیل مرۆڤ لە ئیران"، ئمڕوو دووشەممە، راگەیان کە دەسەڵاتەیل دادوەری لە ئیران لەلای کەم 33 هاووڵاتی لە 19 ئازار/ مارسەو لەسێدارە دانە، کە ماوەی خوەینیشاندانەیل کانوون دۊەم/ یەنایەر 2026 دەسوەسەر کریایۊن، و لەلای کەمەو 100 خوەینیشاندەر ترەک کەفتیەسە وەر رخ جیوەجێکردن فەرمان لەسێدارەداین.

 ریخریاگە مافپەروەرییەگە، لە پۆستیگ لەڕی سەکوو "ئێکس" دیاری کرد کە ناو و زانیارییەیل پەیوەندیدار وە دۆسیەی شمارەیگ فرە لەو کەسەیلە کە لەسێدارە دریانە بڵاو نەکریاگە تا دۊای جیوەجیکردن فەرمانەیل، لەڕی میدیایەیل راگەیانن سەر وە دەسەڵات دادوەری ئیرانییەو.

وتیش کە یە نشان دەێد، وەپەی مەزەنەی خوەی، ئەرا ئەوەگ خیزان حوکمدارەیل و کەسوکاریان لەشان پارێزەرەیل سەروەخوەی لە بوار مافەیل مرۆڤ، کەفتنەسە وەر زوور و هەڕەشەیل تەنیگ.

 46 دەوڵەت، لە بەیاننامەیگ هاوبەش لە وەرانوەر ئەنجومەن مافەیل مرۆڤ سەر وە نەتەوە یەکگرتگەیل، شەرمەزار وەردەوامبۊن پرۆسەیل لەسێدارەداین لە ئیران و زیایبۊن دەرکردن و جیوەجیکردن فەرمانەیل لەسێدارەداین کردۊن، و نیگەرانی خوەیان نشان دان وە شیوەیگ تایبەت لە وەرانوەر لەسێدارەداین ئەو کەسەیلە کە لەناو خوەینیشاندانەیل یەنایەر دەسگیر کریان.