شەفەق نیوز/ لە مەراسیم چوارشەممە سوری لە ئیران ک ئەرا پیشوازی لە نەوروز کریەێد، ١٩ کەس گیان لەدەسدان و نزیکەی سێ هەزار کەسیش زەخمدار بۊن.
سەرۆک دەسەی فریاکەفتن ئیران جەعفەر میعادفەر وە رووژنامەوانەیل ئیران راگەیان، لە مەراسیم چوارشەممە سوری لە ئیران ١٩ کەس گیان لەدەسدانە و نزیکەی سێ هەزار کەسیش زەخمدارە، ئاشکەرایش کرد، بەشیگ فرە لە زەخمدارەیلە زەخمەیلیان سووکە و چارەسەر کریانە، وتیش، رۊداوەیل مردن و زەخمداری وەبوونەی سوزیان بۊیە.
چوارشەممەی سوری؛ مەراسیمیگ ئیرانیەیلە لە دۊایین چوارشەمەی زمسان ئەنجام دریەێد وەبوونەی هاتن نەورۆز و وەرز وەهار هاوڵاتیەیل ئاگر کەنەو و ئاهەنگ ساز کەن.