شەفەق نیوز- ئینجامینا

وەزارەت تەندروسی لە چاد، ئمڕوو جمعە، راگەیان کە ئامار بڵاوبوین کۆلێرا لە وڵاتەگە بەرزەو بۊە ئەرا 13 حاڵەت مردن و 239 تۊشهاتن لە وەخت راگەیانن فەرمی بڵاوبوین پەتاگە لە تەمموز / یۆلیۆ.

وەپای بڵاوکریای فەرمی وەزارەتەگە، گشت تۊشهاتنە توومارکریاگەیل لەبان ئاست نیشتمانی تا رووژ دووشەممەی گوزەشتە رەسیەسە 239 بیمار، لەلیان 13 کەس مردنە، وە ریژەی مردن کە رەسیەسە 5.4%، کە یەیش ریژەیگە رەنگدانەوەی رخداری رەوش پەتاگەس لەو ناوچەیلە کە زەرەدمەن بۊنە.

 وەزارەتەگە دیاری کرد کە بڵاوبوینەگە وە شیوەیگ سەرەکی کاریگەری دیرێد لەبان پارێزگای حەجەر لەمیس کە کەفتیەسە باکوور وڵاتەگە، هەمیش پایتەخت نەجامینا، کە 11 بیمار لە بنەڕەت 13 مردن تەنیا لە پایتەختەگە توومار کریاگە لەماوەی مانگ ئاب / ئۆگۆستس ئیسە، کە یەیش رووشنایی خەێدە بان خەسەوبوین تۊشهاتنەیل لە ناوچە شارستانییە قەرەباڵغەیل.

وتیش کە وەگەرد کوتانن واکسین لەلای نزیکەی 50 هەزار و 800 کەس لە وەخت راگەیانن فەرمی لە بڵاوبوینەوەگە لە 24 حوزەیران / یۆلیۆی گوزەشتە، ئەوەیش لە هەڵمەتیگ کە ئامانج لەلی کەمەوکردن بڵاوبوینی بۊ، بیجگە ئەوەگ یەکەمین مردن وەرجە فرەتر لە مانگیگ لەو میژووە توومار کریاۊد.