شەفەق نيوز/ کەناڵ "فارس" ئیرانی، ئەمروو دووشەممە، خەوەردا کە دەزگایەیل ئاسایش لەناو خاک کۆمار ئاشکرای سیستەم مووشەک "سپايك" ئیسرائیلی دژوە تانک کردنە کە لە دویرەو کار کەن.
ئەو کەناڵ تەلەڤزیۆنی ئیرانیە وت سیخوڕەیلیگ ئیسرائیلی ئەو سیستەمەیلە لەناو زەوی ئیران بڵاو کردنە کە سیستەم لە دویرەو وە کۆنتڕۆڵکردن خریەنە کار.
وەگورەی زانیارییەیل کەناڵەگە، ئامانج لە بڵاوکردن ئی سیستەمەیلە پەکخستن کار سیستەمەیل وەرگری ئاسمانی ئیرانیە، و کەناڵەگە شوین ئەو چەکەیل ئیسرائیلیە دیاری نەکرد.
Spike- زنجیرە مووشەک دژوە تانک لە نەوەی سێیەمە، کار وە جویر "بتەقن و لەهویر بوە". وەلێ زنجیرەی "سپايك" پەنج مووشەک تایبەتمەنە ئەرا وەکارهاوردن لە ئەرکەیلیگ جیاجیا، و هەر مووشەکیگ تەکنیک خوەی دیرێد کە وەگەرد ئەوەک داوا لەلی کریەێد گونجیاس.
گشت ئی مووشەکەیلە دانریانی لەبان ئامرازەیلیگ جیاجیا و فرەیان جویر مووشەک یان شان وەکار تیەن، ئەو سیستەمەیلە لە دیزاین و بەرهەمکردن کۆمپانیای رافائیل ئەرا سیستەم وەرگری پیشکەفتگە.
ئەو مووشەکەیلە ئەرا ویرانکردن تانک و قەوارەیل ئەندازیاری و قەڵغانی و ئامانجەیل روی زەویە، مەودای مووشەک "سپايك-ئەم ئار" دژوا تانک رەسێدە 2500 مەتر، و ئۆتۆماتیکە.