شەفەق نیوز/ دەسەڵاتەیل ئەمنی ئیران، شەو یەکشەممە، خانمە ئەکتەر ئیرانی ناودیار "کتایون ریاحی" دەسگیر کردن، ئەوەیش وە توومەت پشتگیریکردن خوەینشاندانەیل دژوە رژیم، و بڵاوکردن وینەگەی وەبی لەچگ سەر.

ئاژانس "تەسنیم" ئیرانی لە خەوریگ ک ئاژانس شەفەق نیوز لەلی ئاگادارە وت: کتایون ک وە رۆل زولەیخا لە زنجیرەی تەلەڤزیۆنی ئیرانی (یوسف ئەلسدیق) وەناوبانگ بوی، ئمڕوو وەدەس هیزەیل ئیرانی دەسگیر کریا.

یەیش لە وەختیگ تیەێد ک زولەیخا وە سەر رویت دەرکەفت و پاڵپشتیکردن خوەی ئەرا خوەینشاندان و ناڕەزایەتی ناوچەی شاریگ ئیرانی راگەیان،  ک لە دویای کوشیان ژینا ئەمینی وەدەس پولیس ئەخلاق وەرجە نزیکەی ٣ مانگ دەسوەپی کرد.

زولەیخا وینەیل خوەی وەبی حیجاب لەبان سۆشیال میدیا بڵاو کرد، تا پاڵپشتیکردن خوەی ئەرا ناڕەزایل ئیران نشان بەێد.