شەفەق نیوز - وەدویاچگن
داتایەیل دەریاوانی لە، ئمڕوو سێشەممە، ئاشکرا کرد، تانکەر نەفتی "Morlickisha" کە لەژیر سزایەیل ناودەوڵەتییە، چگەسە ناو گەروو هورمز چەوەڕی کریەێد ئی کەشتییە وەرەو عراق بچوود تا لە 16ی نیسان باریگ لە "زەیت سزەمەنی" (Fuel Oil) بار بکەێد. یەیش رووشنایی خەێدە بان وەردەوامی تەوژم وزە لە ناوچەگە وەبان ئەو سنووردارییەیلە کە چەسپیانە.
ئامارەیل نیشان دەن ئێ کەشتییە کە بڕیارە لە عراق کار بکەێد، وەرجە یە بەشداری لە کلکردن نەفت رووسی و ئیرانی کردیە، کە یەیش رەنگەوداین ئاڵووزی تووڕەیل دابینکردن لە سای سزایەیل و گرژییەیل جیۆپۆلیتیکیە.
لە هەمان وەخت، ئاژانس "ڕۆیتەرز" شەوەکی ئمڕوو بڵاویکرد تانکەر نەفتی چینی "Rich Starry"، کە ئەویش لەژیر سزای ئەمریکاس، توەنستیە لە گەروو هورمز رەد بوود، یە یەکەم گامە لەو وەختەوە کە ئەمریکا گەمارۆ خستیەسە بان جویلەی کەشتیوانی پەیوەندیدار وە ئیران.