شەفەق نیوز/ دەیان هەزار کەس لە خوەنیشاندەرەیل، دویەشەو چوارشەممە، لە ئیستەنبول گردەوبوین ئەرا خوەنیشاندان لەدویای دەسگیرکردن سەرۆک شارەوانی ئەکرەم ئیمام ئۆغلۆ.

پۆلیس تورکیا ئیمام ئۆغلۆ دەسگیرکرد کە یەکیگە لە دیارترین کەسایەتیەیل ئۆپۆزسیۆن، رویوەروی توومەت گەنەوڵی و دەسمیەتیدان رێکخریاگ تیرۆرستی کریا، وەپای ئەوەگ وەزیر داد تورکیا یەلماز تونس راگەیگەیان.

لە هەڵمەتەگە زیاتر لە 100 کە لە یاریدەرە و ئەندامەیل پارتەگە دەسگیرکریا، پارت کۆمار گەل، کە وە "تەقەلای  کودەتای سیاسی دژ وە ئیرادەی گەل" وەسف کرد.

سەرۆک شارەوانی لەژیر رێکارەیل ئەمنی  تونیگ ئەرا بنکەیپۆلیس کلکریا، و سەدان کەس لە لایەنگرەیلی لە نزیک بیناگە کوەوبوین، و ئاڵای تورکیا هەڵگردبوین.

وەرد هاتن ئیوارە، لە کەشوهەوای سەردیگ، هەزاران هاوڵاتی دەرچین ئەرا خوەنیشاندانیگ جەماوەری لەنوای بینایشارەوانی ئیستەنبول، و دروشمەیل جویر "ئۆردۆغان دیکتاتۆر" و "ئیمام ئۆغلۆ تەنیا نییە" وتن.