شەفەق نیوز/ سوپای ئوردن، ئمڕوو یەکشەممە، ڕاج کە هیزەیل پاسەوان سنوور تەقە لە بڕیگ قاچاخکار کرد لەبان سنوور سوریا و ئوردن.

لە بەیاننامەی کوڵیگ وت: قاچاخکارەیا تەقەلا دانە لە سنوور باکوور شانشین بانە ئیدیمەو، وەگورەی ئاژانس خەوەری ئوردن.

لە ساڵەیل گوزەشتە، لەبان سنوور دوو وڵات باندەیل قاچاخکاری هووشبەری گورجەو بوینە، وەتایبەت قاچاخکردن حەب کپتاگۆن.

وەرپرسەیل ئوردن و عەمی هاوپەیمانیل خوەرئاوایی، توومەتبار میلیشیایل چەکدار کردیان بەشیگیان هاوپەیمانە وەرد حزبولڵای لوبنان، و لە بان بەشیک لە باشوور سوریا زاڵە، کە هانە پشت زیایبوین قاچاخی هووشبەری وەگورەی رۆیتە.

یە چەن ساڵیگە سوریا بویەسە شوین سەرەکی بازرگانیکردن وە هووشبەری لە ناوچەگە، کە وە ملیارا دۆلار مەزەنە کریەێد وەتایبەت ئەمڤیتامین لە دروسکردن سوریا کە وە کپتاگۆن ناسیاس.

دویای رمیان رژیم بەشار ئەسەد، ئیدارەی نوو سوریا پەیمان وە نواگیریکردن دروسکردن هووشبەری دا، هەمیش قەیەغەکردن قاچاخکردنی وەرەو دەوڵەتەیل هاوسا.