شەفەق نيوز/ وەزارەت تەندروسی ئیکوادۆر راگەیان، هەشت مناڵ لەوەر بیماری لێپتۆسپایرۆسیس کە بیماریگ بەکتیریە گیانیان لەدەسدانە، و لەلای کەمەو ٤٦ کەس لە کۆمەڵگەیگ رەسەن ئەمازۆن ئیکوادۆر تویش ڤایرۆسەگە هاتنە.

وەگورەی ئامارەیل وەزارەت تەندروسی، بیماریەگە لە ناوچەی ئاوایی تایکسا لە پارێزگای مۆرۆنا سانتیاگۆ دەسنیشان کریاس، کە خەڵک رەسەن کۆمەڵگەی ئاتچوار هانە ناوی.

وەزارەتەگە لە بەیاننامەیگ وت: "تا ئیسە هەشت مناڵ لەوەر ئی بیماریە گیانیان لەدەسدانە، 46 کەسیش نیشانەیل بیماریەگە دەرکەفتگە".

بیماری لێپتۆسپایرۆسیس لە ئاژەڵەو وە تایبەت لە مویشەو رەسێدە ئایەم لە ری میز یا پیساییەو، وەرکەفتن راستەوخۆ، یا لە ری ئاو یا خاک پیسەو.

بیماریەگە بوودە مدوو دروسبوین شەقیقە و تەو و ئەڵاوردن و زگچین و لە بیماریە سەختیەیل  کێشەی هەناسەدان و زیان وە گورچگ و جگەر رەسنێد.