شه‌فه‌ق نيوز/ ئاژانس هه‌واڵه‌يل عومانى، ئاشكراى گيان له‌ده‌سداين ته‌ياره‌وانيگ عو‌مانى و زه‌خمداربوين دووان تر له‌ روێدان كه‌فتنه‌ خواره‌وه‌ى كۆپته‌ريگ سه‌ربازى.

ئاژانسه‌گه‌ له‌ زووان سه‌رچه‌وه‌يگ له‌ وزاره‌ت وه‌گرى وت: يه‌كيگ له‌ ته‌ياره‌يل جه‌نگى سه‌ر وه‌ هيزه‌يل ئاسمانى له‌ جوور (ئێن- ئێتش -90) كه‌فته‌سه‌ خواره‌و له‌وه‌خت ئه‌نجامداين ئه‌ركيگ مه‌شقكردن له‌ بنگه‌ێ سه‌ربازى ئه‌لمه‌سنه‌عه‌ له‌ باكوور مه‌سقه‌ت پايته‌خت.

جى باسه‌، ئاژانسه‌گه‌ هه‌ميش وت: ئه‌و روێداگه‌ بويه‌سه‌ هووكار گيان له‌ده‌سداين هلال بن تاڵب بن محه‌مه‌د ئه‌لهاشمى و زه‌خمداربوين دووان له‌ ده‌سميه‌تده‌ره‌يلى.