شه‌فه‌ق نيوز/ جون كيرى وه‌زير خارجيه‌ى وه‌رين ئه‌مريكى، جه‌خت له‌وه‌ كرد ك ئه‌را ئۆرپاو جه‌هان گرينگه‌ په‌يوه‌س بوون وه‌و ريككه‌فتن ئه‌تۆميه‌ ك گه‌وراهيزه‌يل له‌ 2015 وه‌ل ئيران ئمزاى كردنه‌.

كيرى له‌وه‌خت باسكردنى له‌ كۆنگره‌ى ميونخ ئه‌را ئاسايش، ئه‌وه‌ ده‌رخست ك شا عه‌بدوڵڵا بن عه‌بدولعه‌زيز پاشاێ سعودى و حسنى موباره‌ك سه‌رۆك وه‌رين مسرى داواى بوردمانكردن ئيران كردنه‌ وه‌ ناپاڵ وه‌رجه‌ ده‌سوه‌پيكردن گفتگوو وه‌ليا له‌باره‌ێ به‌رنامه‌ ئه‌تۆميه‌گه‌ێ.

جى باسه‌، كيرى هه‌ميش وت: واشنۆن له‌و وه‌خته‌يله‌ جواوێ ئه‌وه‌ بوێ ك ته‌هران ده‌سكرده‌سه‌ ته‌خسيب سوزه‌مه‌نى ئه‌تۆمى و بوردمان سه‌ربازێ ئه‌و په‌ره‌سه‌ندنه‌ ناوسنێده‌و.