شه‌فه‌ق نيوز/ ريكخرياگ كووچ ناوده‌وڵه‌تى ئاشكراى ئه‌وه كرد ك له ماوه‌ى چه‌ن مانگيگ گوزه‌يشت نزيكه‌ى 6 هه‌زار كووچبه‌ر قورتار كردگه‌و له هه‌مان وه‌خت وه‌ل خاسه‌وبوين بار كه‌ش و هه‌وا و به‌رزه‌وبوين پله‌يل گه‌رمايش شماره‌يگ فيشتريش له كووچبه‌ره‌يل ريه‌يل ئاوى ئه‌يه‌رنه كار ئه‌را ره‌سين وه ئۆرپا.
له‌ى باوه‌ته‌و، جۆيل ميلمانى قسه‌كه‌ر وه‌ناو ريكخرياگ كووچ ناوده‌وڵه‌تى وت: له ماوه‌ى چه‌ن مانگيگ گوزه‌يشت نزيكه‌ى 6 هه‌زار كووچبه‌ر له‌بان ريڕه‌و سه‌ره‌كى ناونى باكوور ئه‌فريقيا و ئيتاڵيا قورتار كرديمنه.
جى باسه، ميلمانى هه‌ميش وت: وه به‌رزه‌وبوين پله‌يل گه‌رمايش ئه‌گه‌ر ئه‌وه‌يش ئه‌كريه‌ێد شماره‌يگ فيشتريش له‌و شماره ريه‌يل ئاوى بگرنه وه‌ر ئه‌را ره‌سين وه ئۆرپاو يه‌يش باسكرد ك له‌ى بارودوخ و كه‌ش و هه‌واى ئيسه‌يشه چشت ئاساييگ نيه ئه‌و شماره‌ى فريه‌ى كووچبه‌ره‌يل روى له‌و وڵاته‌يله كردنه‌و مه‌رزه‌يل بڕينه، چوينكه وه بوونه‌ى نزمى پله‌يل گه‌رمى ئه‌گه‌ره‌يل حاڵه‌ت مه‌ردنيش فريه فيشتره.