شه‌فه‌ق نيوز/ وه‌رپرسيگ كوه‌يتى باس له‌وه كرد ك كوه‌يت ئاماده‌س ئه‌را دامه‌زرانن شاريگ پيشه‌سازى ته‌واو وه بڕ 6,6 مليار دۆلار، ك 6 مليار دۆلارى وه به‌شدارى كه‌رت تايبه‌ته.
له‌ى باوه‌ته‌و، عه‌بدولكه‌ريم ته‌قى عه‌بدولكه‌ريم وه‌ڕيه‌وبه‌ر گشتى ده‌زگاى گشتى پيشه‌سازيه‌يل وه وكاله‌ت ئه‌را رويته‌رز وت: حكومه‌ت كوه‌يتى ئاماده‌س ئه‌را دامه‌زرانن ژيرخان ئابوورى وه بڕ 600 مليۆن دۆلار و كه‌رت تايبه‌ت و وه‌به‌رهاوه‌ره‌يل دامه‌زرياگه‌يلى دروس ئه‌كه‌ن.
عه‌بدولكه‌ريم هه‌ميش وت: حكومه‌ت وه‌كارخه‌ر ئى شاره نيه، به‌ڵكوو ريكخه‌ر شاره‌گه‌سه‌و كه‌رت تايبه‌ت نسيو گه‌وراتر له‌لى ديرێد و ئاماژه وه‌يه‌يش كرد ك شار ئه‌لنه‌عايم تازه ك وه دويرى 70كم له خوه‌رئاواى شار كوه‌يت دامه‌زريه‌ێد 50 هه‌زار كه‌س ئه‌گرێده خوه‌ى و داهات ساڵانه‌يشى وه 90 مليۆن دينار ئه‌را كه‌رت پيشه‌سازى وه ته‌نيا پيشبينى ئه‌كريه‌ێد و رويوه‌ريشى شه‌ش كيلۆمه‌تر چوارگووشه‌س.