تیدرۆس گیبریسوس وەڕیەوبەر گشتی تەندروسی جەهانی لە وتاریگ لە وەردەم نوینەرەیل شاندەیل دیبۆماسی لە جنێڤ وت: لە زویەو بایەس بوی ئی بیماریە لەناو بیەیمن، باوجی لەڕاسیەو ها زیایبوین، وتیش؛ شمارەی ئاگادارکردن لە بیماریەیل کولێرا لە ساڵ ٢٠٢٢ وەگورەی ٢٠٢١ دووقاتەو بوی، و هوشداری لە ساڵیگ خراوتر دا، کە ٣١ دەوڵەت لەلای کەمەو لە ساڵ ٢٠٢٣ بڵاوبوین کولێرا توومار کردن، و یەک ملیار کەس کەفتنە ناو خڕ مەترسی.

گیبریسوس وتیش؛ ئەوەگ جی نیگەرانیە، بیماریەگە ئیرنگە لە بورۆندی و کامیرۆن و کۆمار کۆنگۆ و ئەسیوپیا و تەنزانیا و سودان و سوریا و زیمبابۆی بڵاو بویە، و وەشیوەی خاسیگ بیماریەگە کۆنتڕۆڵ کریا، وەلێ وەرز واران هیلێد بیماریەگە زیایەو بوود.