شەفەق نیوز/ تیدرۆس ئەدهانۆم وەڕیەوبەر گشتی ریخریاگ تەندروسی جەهانی، کوشیان نزیکەی 70 کەس و زەخمداری 19 کەس ترەک راگەیان، لە ئەنجام پەلاماریگ وەبان خەسەخانەیگ سعودی لە شار فاشر، پایتەخت ویلایەت باکوور دارفوور لە سودان.

لەو راگەیاننە کە ئمڕوو یەکشەممە لەبان پلاتفۆرم ئێکس بڵاوی کرد، باس پەلامارەگە کرد کە وت؛ خەسەخانەگە پڕ بویە لە بیمارەیل و تاوەرەیلیان مەوقەی پەلامارەگە.

دووپات کرد کە ئەوە تەنیا خەسەخانەیگ بوی کە لە شارەگە کار کرد، کە وەیجویرە رخداری مرۆیی لەو ناوچە زیایەو بوود.

دویەکە شەممە، وەرپرسەیلیگ ناوخوەیی باس ئیجویر شمارەیگ لە قوربانیەیل کرمن، وەلێ قسەی وەڕیەوبەر تەندروسی جەهانی یەمەن سەرچەوە و راگەیانن ناودەوڵەتیە لە شمارەی قوربان.

لە بڵاوکردنی ئەو لایەنە دیاری نەکرد کە کەسی لەناو پەلامارەگە بوی، وەلێ وەرپرسەیل ناوخوەیی گلەیی خستنە مل هیزەیل وەڵامدان زویوەزوی.