شەفەق نیوز/ ١٣ کەس گیانیان لەدەسدان و ١١ کەسیش زەخمدار بوین، لە ئەنجام تەقیان بەنزینخانەیگ لە دەورگرد شار مەحج قەلعە پایتەخت کۆمار داغستان رووسیا لە باکوور قەوقاز.
ئەلیکسی کوزنیتسۆف یاوەر وەزیر تەندروسی رووسیا، ئەمڕوو شەممە، وت: ٤ زەخمدار هانە ناو خەسەخانە یەکیگیان زەخمەیلی سەختە.
وتیش: ٣ زەخمدار ترەک لە خەسەخانە دەرچگن، و چوار ترەک لە شوین رویداوەگە چارەسەری وەرگردن.
ئاگر لە شوین تەقینەوەگە هیز گرد لەناو بەنزینخانەیگ لەبان ری سەرەکی فیدڕاڵی بە دەورگرد مەحج قەلعە، و بینای بەنزینخانەگە ویران کرد، ئیجا ئاگر رەسیە بینایل شانی.