شەفەق نیوز/ ئامار کوشیاگەیل ناو جەنگ حەلەب، ناوەین هیزەیل رژیم سوریا و باڵە چەکدارەیل ئۆپۆزسیۆن، رەسیە ٢٨٧ کەس بەشیگیان مەدنیە، وەگورەی خەوەر روانگەی ماف مرۆڤ سوریا، ئمڕوو شەممە.

وەرجەیە وتیش: دویای سێ رووژ لە جەنگ وەردەوام، مینەی شار حەلەب باکوور سوریا کەفتە دەس دەسەی ئازاکردن شام و باڵەیل هاوپەیمانی.

رووژ جمعە ئەو گرووپەیل چەکدارڵ کە لە تورکیاو پاڵپشتی کریانە رەسینە ناو شار حەلەب، لە ئەنجام پەلاماریگ ناکاوەی وەبان هیزەیل حکومەتی، کە توەنستن دەس وەبان شار سراقب لە پارێزگای ئیدلیب بنەن.

لە وەختیگەو رژیم بەشار ئەسەد لە شار ٢٠١٦ دووارە کۆنتڕۆڵ تەواو شارەگە کردیە، یە یەکەم جارە باڵەیل چەکدار بڕەسنە ناو حەلەب.

ئی پەلامار لە مەوقەی سەخت و دەسپاچەیی هات کە خوەرهەڵات ناوڕاس وەخوەی دوینێد، وەگەرد ئاگربەسی تورتیگ لە لوبنان ناوەین ئیسرائیل و حزبوڵا، کە حزبولڵا بە چەن ساڵیگە لەشان هیزەیل رژیم لە سوریا جەنگ کەێد.

وەگەرد هاتن رووژ جمعەر ئەو باڵەیل چەکدارە رەسینە زیاتر لە ٥٠ ناوچە و ئاوای لە باکوور، وەگورەی روانگەی سوری.

ئەو جەنگەیلە بوینە هوکار ئاوارەبوین زیاتر لە ١٤ هەزار کەس، نزیکەی نیمیان مناڵن، وەگورەی نویسینگەی نەتەوە یەکگرتگەیل ئەرا هەماهەنگی کاروبار مرۆیی.

وەگەرد ئی جەنگەیلە، فڕۆکەوانی رووسیا و سوریار زیاتر لە ٢٠ گورز وەبان ئیدلیب و ئاوایەیل دەورگردی جیوەجی کردن.

لەلای خوەییش، سوپای روسیا، رووژ جمعە، راگەیان کە هیزەیل ئاسمانیی پەلامار باڵە تونەڕەوەیل دەرد.

تورکیا، جمعە، داوای وسیان پەلامارەیل وەبان شار ئیدلیب و دەورگردی کرد، کە شوین ئۆپۆزسیۆنە چەکدارەیلە لە باکوور خوەرئاوای وڵاتەگە.