شەفەق نیوز/ عەباس عەلی سولەیمانی نوێنەر وەرین خامەنەئی لە سیستان و بلوجستان و ئەندام ئەنجومەن پسپۆڕەیل سەرکردایەتی ئیران، ئمڕوو چوارشەممە، لە شار بابلسەر باکوور ئیران کوشیا.
ئاژانس خەوەری (مهر) وت: نوێنەر وەرین ریبەر ئیران لە سیستان و بلوجستان و ئەندام ئیسە لە ئەنجومەن پسپۆڕەیل سەرکردایەتی، کەفتە وەر پەلامار کوشتنی لە شار بابلسەر.
خەوەرەیل دەسنشان کەن ک سولەیمانی وەگولەی چەکدار لەو مەوقە کوشیا ک لەناو بانک نیشتمانی بویە لە شار بابلسەر.
وەچەودیەیلیگ وتن: سولەیمانی لەناو بانکەگە نیشتوێد، و کابرایگ دەوانچە لە پاسەوان بانکەگە بردیە و تەقە لەلی کردیە، و سولەیمانی گیانی لەدەسدا و سێ کەسیش لەناو بانکەگە زەخمدار بوین.
روحولڵا سلاجی نوینەر سیاسی و کۆمەڵایەتی لە پارێزگای مازندەران دووپات لە خەوەر کوشیان سولەیمانی کرد، ک وت: ئایەتولڵا سولەیمانی شەوەکی ئمڕوو وە پەلاماریگ چەکدار کوشیا، و بکوشەگە دەسگیر کریا.