شەفەق نیوز/ ٣ کەس لە پۆلیس کوشیان و چوارەمیان زەخمداربوی وەگولەی کابرای شیتیگ لە ئاوای دابڕیاییگ لە ناوڕاس فەڕەنسا ، شەو سێشەممە، وەگورەی سەرچەوەیل فڕانس پریس.

ئەندامەیل پۆلیس کەفتنە وەر گولەی پیاویگ ٤٨ ساڵان لە وەخت تەقەلای رزگارکردن ژنیگ پەنا وە بان ماڵیگ دا لە نزیک ئاوای سان جۆست لە نزیک ناوچەی کلیرمۆن فیران.

دویای نیمەی شەوە خەوەر دریا دوو پۆلیس وە توندوتیژی دژوە ژنیگ، و هەنای لەماڵەگە ک ژنەگە وەپی پەنا بردگە نزیکەو بوین تەقە لەلیان کریا.

یەکیگیان کوشیا و ئەواکە لەڕانەی زەخمداربوی، و بریا خەسەخانە.

دویای ئاگردان ماڵەگەی، پیاوەگە دووارە تەقە لە پۆلیسەگان لە دەور ماڵگە کرد، ک بویە هووکار کوشتن دوو پۆلیس تر.