شه‌فه‌ق نيوز/ وزاره‌ت رووشنهويرى و ره‌سانن له سعوديه، ئاشكراى گرتن محه‌مه‌د ئه‌لسحێمى نويسه‌ر و رووژنامه‌نويس كرد، وه‌بوونه‌ى لێدوانه‌يلێ له‌باره‌ى كه‌مه‌وكردن شماره‌ى مزگفته‌يل و ده‌خاڵه‌ت ده‌نگه‌يل بانگداين.
له‌ى باوه‌ته‌و، رووژنامه‌ى ئه‌لرياز له‌زووان به‌ياننامه‌ى وزاره‌ته‌گه وت: ئه‌لسحێمى هه‌واڵه‌ى په‌يجورێ كرياگه ئه‌را وه‌رده‌م ليژنه‌ى تماشاكردن وه‌خاتر له‌وه‌رگرتن ڕى وشوون ده‌رهه‌قى له‌وه‌ر لێدوانه‌يلێ ك داواى كه‌مه‌وكردن شماره‌ى مزگفته‌يل كردگه.
جى باسه، ئه‌لسحێمى له ديمانه‌يگ ته‌له‌فزيۆنى، له توانجى له‌بان فه‌تواى شێخ ئبن عسيمين، داواى كه‌مه‌وكردن شماره‌ى مزگفته‌يل كرد و وت: ده‌نگ مايكرۆفۆنه‌يل له وه‌خت بانگداين و نماز ناڕه‌حت نمازكه‌ره‌يل و مناڵه‌يل ئه‌كا ك وه‌جووريگ وڵاته‌گه شيوانگه.