شه‌فه‌ق نيوز/ وه‌لاى كه‌مه‌و 12 كه‌س گيان له‌ده‌سدان و 15 كه‌سيش زه‌خمدار بوين له ئاكام كه‌فتنه‌وه‌ى ئاگريگ له باڵه‌خانه‌يگ نيشته‌جى په‌نج نهۆمى له شار نيويۆرك له وڵاته‌يل يه‌كگرتگ.
له‌ى باوه‌ته‌و، ئداره‌ى ئاگركوشنه‌وه له شار نيويۆرك له‌بان لاپه‌ڕه‌ێ تايبه‌ت خوه‌ى له توێته‌ر وت: له‌ئاكام كه‌فتنه‌وه‌ى ئاگريگ له ناوچه‌ى برونكس له شاره‌گه 12 كه‌س گيان له‌ده‌سدانه‌و 15 كه‌سيش زه‌خمدار بوينه.
جى باسه، ئداره‌ى ناوبرياگ هه‌ميش وت: پياوه‌يل ئاگركوشنه‌وه تويه‌نستنه 12 كه‌سيش له‌و ئاگره قورتار بكه‌ن ك له نهۆم يه‌كه‌مه‌و له باڵه‌خانه‌گه ده‌س وه‌پيكردگه وه‌رجه ئه‌وه‌گ بڕه‌سێده نهۆمه‌يل تر.