شه‌فه‌ق نيوز/ سه‌ركرده‌يليگ له ده‌رياوانى ئه‌مريكى تومه‌تبار ئيران وه ئه‌وه كردن ك هه‌ڕه‌شه له كه‌شتيوانى ناوده‌وڵه‌تى ئه‌كا له‌ڕى ناڕه‌حه‌تكردن ئه‌و كه‌شتيه‌يل جه‌نگييه ك له‌ڕى ته‌نگ هورمزه‌و گوزه‌ر ئه‌كه‌ن و وتن: شايه‌ت ئى كاريشه له ئاينده هساوه‌يل هه‌ڵه‌يگ له‌لى بكه‌فێده‌و جه‌نگ چه‌كدارى له‌لى په‌يا بدێ.
سه‌ركرده‌يل ئه‌مريكى باس له‌وه كردن ك دو بڕه به‌له‌م په‌لاماره‌يل گورج سه‌ر وه ده‌رياوانى ئيرانى نزيكه‌و بوينه له قافڵه‌يگ ك پيكهاتگه له په‌نج كه‌شتى وه سه‌رۆكايه‌تى وڵاته‌يل يه‌كگرتگ له وه‌ختيگ چينه‌سه ناو ته‌نگ هورمز له گه‌شتيگ له ئوقيانۆس هندى وه‌ره‌و كه‌نداو.
جى باسه، يه‌يش يه‌كه‌مجاره ك هه‌ڵگر ته‌ياره‌يل جۆرج ئيتش. ده‌بليۆ بۆش تويش ئيچنه رويداگيگ ئه‌يه‌ن له گوزه‌ركردنيان ئه‌را به‌ش باكوور له كه‌نداو له وه‌ختيگه‌و دوناڵد ترامپ پۆست سه‌رۆكايه‌تى وه‌رگرتگه.