شه‌فه‌ق نيوز/ عه‌لى ره‌زا په‌ناهيان پياو تونڕه‌و باڵاى ئايينى، بڵاوبوينه‌وه‌ى ڤايرۆس كۆرۆناى تازه‌ى، جوور سه‌ره‌تايگ نيشانه‌يل ده‌ركه‌فتن ئيمام مه‌هدى مونته‌زه‌ر سڵام خودا له‌لى زانێد ك موسڵمانه‌يل باوه‌ڕيان ئه‌وه‌سه غه‌يوا بويه‌و له ئاخر زه‌مان ده‌ركه‌فێد.
له‌ى باوه‌ته‌و، ئاژانس هه‌واڵه‌يل ته‌سنيم ناوچه‌يى له زووان په‌ناهيان نزيك له عه‌لى خامه‌نه‌يى رابه‌ر ئسلامى، ئه‌وه ده‌رخست ك بڵاوبوينه‌وه‌ى ڤايرۆس كۆرۆنا و شيه‌وكردن حاڵه‌ته‌يل وه‌گووره‌ى روايه‌ته‌يل شيعه، نيشانه‌يل سه‌ره‌تاى ئيمام مه‌هديه و داوايش له ئيرانيه‌يل كرد كار له‌باره‌ى بڵاوبوينه‌وه‌ى بكه‌ن، چوينكه هه‌ڵه‌په‌ڵه ئه‌كا له ده‌ركه‌فتن ئيمام مه‌هدى، جوور ئه‌وه‌گ خوه‌ى گوزارش له‌لى ئه‌كا.
جى باسه، په‌ناهيان له وتاريگى، باس له‌وه‌يش كردگه له گرنگترين فه‌لسه‌فه‌يل كاره‌سات ده‌ركه‌فتن ڤايرۆس كۆرۆنا وه‌رجه ده‌ركه‌فن مه‌هدى، ئه‌وه‌سه ك ئاده‌ميزاد خواست كه‌سيگ بزانێد ئه‌را وه‌ڕيه‌وبه‌ردرن ئى جه‌هانه(ئيمام مه‌هدى)ك وه‌گووره‌ى ره‌وايه‌ته‌گه جه‌هان ناڵنيد وه‌ده‌س مه‌ترسيه‌يل فريه‌يگ و كيشه‌ى ئابوورى و مردن و هه‌وه‌جه وه حكومه‌ت ئايينى ديرن وه سه‌رۆكايه‌تى ئيمام.