شه‌فه‌ق نيوز/ سه‌رچه‌وه‌يگ له حكومه‌ت هه‌رێم كه‌تالۆنياى ئسپانى ئه‌وه ده‌رخست ك رووژ دوشه‌ممه‌ى ئاينده هه‌رێمه‌گه جموجويل ئه‌را ئعلانكردن سه‌روه‌خوه‌يى له ئسپانيا ئه‌كا.
سه‌رچه‌وه‌گه وت: حزبه‌يل پشتگير سه‌روه‌خوه‌يى ك زاڵه له‌بان په‌رله‌مان هه‌رێم داواى سازكردن دانيشتنيگ ئه‌را تاوتويكردن و ده‌نگداين له‌بان ئعلانكردن سه‌روه‌خوه‌يى رووژ دوشه‌ممه كردنه.
جى باسه، كارلس بودجمون سه‌رۆك هه‌رێم كه‌تالۆنيا له لێدوانيگ ئه‌را "بى بى سى" ئه‌وه ده‌رخست ك حكومه‌ته‌گه‌ى داوا له په‌رله‌مان هه‌رێم ئه‌كا ئعلان سه‌روه‌خوه‌يى بكا دوياى كووتاييهاتن له ئامار ده‌نگ ده‌نگده‌ره‌يل له راپرسێ ك مه‌دريد وه ناياسايى تاريفى كرد و يه‌يش ده‌رخست ك دوياى 48 سه‌عات ئاشكراى سه‌روه‌خوه‌يى ئه‌كه‌يم دوياى كووتاييهاتن له ئامار گشت ئاكامه‌يل فه‌رمى.