شەفەق نیوز/ وەگورەی میدیایل ئیرانی، شەوەکی ئمڕوو دووشەممە، خەوەریگ بڵاو کریا کە "ئێكس" ئەو هەژمارەیلە وسنێد کە مەرجیلی شکنن، وەلێ دیاری نەکریا چە شکانیە.

ئی گامە دویای پەلامارەیل ئاشکرای ئیسرائیل ئەرا یەکەمین جار وەبان ئیران، لە رووژ شەممەی گوزەشتە هات.

خامەنەئی دەسکردە هەژمارەگەی وە پەیامیگ وە زوان عیبری کە ئویشێد: "بسم الله الرحمن الرحيم".

نویسنگەی خامەنەئی چەن هەژماریگ ئەرا ریبەر باڵای تەمەن ٨٥ ساڵە لەبان ئێکس هیشت، و چەن پەیامیگ وە چەن زوانیگ بڵاو کرد.

دویەم پەیام لە رووژ یەکشە، وتارەگەی خامەنەئی لەناوی بوی کە ئەرا هەژمارەگەی وە زوان ئینگلیزی کل کریا کە وت: زایۆنیستەیل لە هەشمار خوەیان لەباوەت ئیران هەڵە کەن، ئەوان ئیران نیەناسن، تا ئیسە هاز و تیەن گەل ئیران وەشیوەی راسیگ نەفامستنە.

پەیامەگە باس پەلامار ئیسرائیل وەبان ئیران لە رووژ شەممەی گوزەشتە کرد.