شەفەق نیوز/ بڕیان کارەبا لە وەڕیەوبەرایەتی فڕۆکەوانی و چووڵایی ئاسمانی ئەمریکا (ناسا) بویە هوکار پەککەفتن پەیوەندی ناوەین شوین کۆنتڕۆڵکردن وەگەرد شاندەگە و ویستگەی چووڵایی ئاسمان ناودەوڵەتی.
ناوەند کۆنتڕۆڵکردن وە ئەرکەیل ئاسمانی وەپی نەکریا فەرمان ئەرا ویستگەگە کل بکەێد یا قسە وەگەرد ئەو هەفت کەسە لە ئاسمان بکەێد، ئەوەیش وەشیوەیگ وەختانە.
بڕیان کارەبا مەوقەی کار لە نووەوکردن بیناگە لە ناوەند جۆنسن لە هیوستن بوی.
گویل مونتلبانو وەڕیەوبەر بەرنامەیل ویستگەی ئاسمانی وت: ئەو کەسەیلە لە ئاسمان یا لەناو ویستگەگە نەکەفتنە وەر هویچ گیچەڵیگ، و سیستەمەیل کۆنترۆڵکردن پشتدەسە وەماوەی ٩٠ خولەک کارەگە وەڕیەو برد، وتیش؛ وە سیستەم پەیوەندیکردن رووسی لە ماوەی ٣٠ خولەک لە بڕیانەگە ئاگادار تیمەگە کریا.
دیاری کرد کە یە یەکەمین جارە ناسا ناچار بوود سیستەمەیل پاڵپشتیکردن پشتدەسە وەکار بارێد، و دیاری کرد کە ناسا ئومید چارەکردن ئی گیچەڵە دیرێد تا وە کۆتایی ئی رووژە باێدەو ئەرا کار سروشتیی.