شەفەق نيوز/ میدیایل ژاپۆن، ئمڕوو چوارشەممە، خەوەردان لە زەخمداری دوو کەس لە ئەنجام پەلاماریگ وە چەقوو وەلایەن پیاییگ، لەناو یەکیگ ویستگەیل لە میتروەیل تۆکیۆ وەخت قەرەباڵغ ئیواران، و دیاری کردن کە زەخمەیل ئەو دوو کەسە رخدار نیین.

تەلەڤزیۆن  ئێن. ئەچ. کێه ژاپۆن وت: ئەو کابرا دیار بویە هەناێ لە کەنار ویستگەگا لەبان کڕ میترو  نامبوكو چەقووکیشاس.

پولیس تۆکیۆ ئەو کەسە لە شوین بیناسازی لەبان نیاز کوشتن دەسگیر کرد و لێکۆڵینەوە وەگەردی کەێد.

پولیس رازی نەوی دڵنیایی لەو راپۆرتەیل راگەیاننە بەێد، کە وت: راگەیانن فەرمی لەی پرسە نییە.

کۆمپانیای تۆکیۆ میترو وت: وەشیوەیگ وەختانە مار قەتارەیل لەبان ئەو کڕە ئەرا وەشکین وسان، وەگورەی "د ب ا".

هەرچەن ژاپۆن وە ئاسایش ناسیاس، وەلێ شمارەیگ پەلامار هەڕەمەکی هەس لە شوینەیل گشتی وە چەقووکیشان یا تەقینەوەیل دروسکریای لەی ساڵەیل دویاییە.