شەفەق نیوز/ میدیایەیل لوبنان، ئمڕوو سێشەممە، بڵاوکردنە لە دەریای باکوور لوبنان 54 کووچبەر سووری کە وە بەلەم وەرەو قوبرس چینە لە خنکیان قورتار کریانە.
وەپای میدیایەیل، " هێزەیل دەریاوانی سووپای وڵاتەگە توەنستیە 54 کوچبەر قورتاربکەێد کە پێکهاتبوین لە پیاو و ژن و مناڵ، وە شیوەی نایاسایی لەودیم دەریای باکوور لوبنان وەرەو قوبرس چینە.
بەلەمەگە چەن کیلومەتریگ لە دەریاگەو دویربویە و تویش گیچەڵیگ تیاێد وەی مدووە سەرنشینەیلی وە هاوکاری هێزەیل دەریاوانی سووپای لوبنان بریانەس بەندەر تەرابلوس، فریاگوزاری سەرەتایش وە لایەن تیمەیل خاچ سوور لوبنانی ئەرایان کریایە.