شەفەق نیوز/ ناوەن توومارکردن زەۊیلەرزە لە زانکۆ تهران  راگەیان، زەۊیلەرزەی سێیەم ل شار قەلعە قازی  لە باشوور پارێزگای هورمزگان رۊی دایە، تۊنیەگەی 4.5 پلە لەبان پێوانەی رێختەر بۊیە.    

ناوەندەگە وتیش؛  " زەۊیلەرزەگە لە ساعات 7:49:27 دۊیە شەو یەکشەممە وە قۊیلی 10 کم لەبان زەۊی لە نزیک هێل پەێنی باکور 27.56 و درۊژی خوەرئەڵات 56:24 پلە.    

وەرجە یە لەهەمان رووژ، ناوەن زەۊیلەرزەی نیشتمانی خەوەردا لە دو زەۊیلەرزەی تر، یەکەم وە تۊنی 6٫4 و دۊیەم وە تۊنی 6٫3 پلە لەبان پەوانەی رێختەر و هەر وەی مەدوویە یەکێگ لە شار "لافت" لە پارێزگای هرمزگان گیانی وەدەسدا.       

قسەکەر زانکۆ زانستە پزیشکیەێلەی  هرمزگان فاتمە نوروزیان وت:27 کەس وە سوکی زەخمدارن و گرفت هەناسداین داشتنە،  سەردان خەسخانە و بنکەێل تەندروسی ناو پارێزگاگە کردنە.    

لە باوەت دۊیا ئامار ئی روداوە، نوروزیان قسەکەر زانکۆ زانستە پزیشکیەێلەی  هرمزگان وت؛ "تا ئیسە 14 لە زەخمدارەێلە خەسەخانە وەجی هیشتنە، لەلیان وەگورەی دەسنیشان کردن پزشکی چارە کریەن، وتیش؛ گەنجێگ 27 ساڵان مردیە وە روداو کفتنە خواری لە پایەی کارەبا وەگەرد لەرزەگە".