شەفەق نیوز/ دەسەی سەندیکای پزشکەیل سودان، ئمڕوو سێشەممە، بەرزەوبوین شمارەی کوشیاگەیل رویوەڕیوبوین ناوبەین سوپا و هیزەیل پاڵپشتیکردن زوینە ئەرا ٢٩١ مەدەنی ، وەگەرد ١٦٩٩ زەخمدار.
سەندیکاگە لە بەیاننامەیگ وت: شمارەیگ لە کوشیاگ و زەخمدارەیل هەس نەکەفتنەسە ناو ئی هەژمارە، لەوەر سەختی هامشوو و رەسین ئەرا خەسەخانەیل لەسای ئەویش ئاسایش وڵاتەگە.
رویوەڕیوبوین خویناوی کەفتە ناوبەین سوپا و هیزەیل پاڵپشتیکردن زوینە لە سودان، لە ناوڕاس ئی مانگە دەسوەپی کرد، سەدان کەس لەناوی بوینە قوربانی، و زیاتر لە یەک هوچان راگەیانن، وەلێ ئەو دوو لایەنە بابەندی وەپی نەیاشتن.