شەفەق نیوز/ سەرچەوەیگ پزشکی ئەمریکی، خەوەردا کە ئامار قوربانیەیل ئاگر لە لۆس ئانجلەس ئەرا ٢٤ کوشیای بەرزەو بوی.

دویاترین ئامار کوشیاگەیل کە ئاشکرا کریا ١٦ کەس بوی، وەگورەی سەرچەوەیل فەرمی ئەمریکی، وەگەرد مەزەنەی بەرزەوبوینی.

تیمەیل ئاگرکپەوکردن، دویەکە یەکشەممە، تەقەلای وەدەسهاوردن وەرەونواچگن زیاتر لە کپەوکردن ئاگر دارستانەیل دان، لە وەختیگ پسپۆرەیل کەشناسی دووارە لە کەشوهەوای رخداریگ هوشداری دان، وەگەرد گلەوخواردن وای تون لەی هەفتە.

ئمڕوو دووشەممە، تیمەیل ئاگرکپەوکردن دەسکردنە زووران٨وەرد وەختەگەو، تا ئاگر لەناو دوو دارستان لە لۆس ئانجلەس کپەو بکەن کە یە ئەرا شەشەم رووژە وەبانیەک سزیەن، و خوازن ئی خاسەوبوین کەمە لە کەشوهەوا بەدەگە بکەنە دەرفەتیگ، وەرجەیەگ دووارە وای تونیگ باێدەو، کە مەزەنە کریەێد لە ساعەتەیل ئایندە هەڵکەێد.

دەسەی کەشناسی نیشتمانی هوشداری وە ڕەنگ سوور دا لەباوەت ئاگرەیل سەختیگ تا چوارشەممە، وەگەرد وای وەردەوامیگ وە تونی 50 ميل (80 کیلۆمەتر) لە ساعەتیگ، و زریان لە کویەیل وە تونی 70 ميل (113 کیلۆمەتر) لە ساعەتیگ.

ئاگرەیل لۆس ئانجلەس هەمیش بویە هوکار سزیان دەیان هەزار بدات زەوی و بینایل فرە فرەیگ.

فەرمان چووڵکردن ئەرا زیاتر لە 166 هەزار کەس دەرچگ، و رووژنامەی واشینتۆن پۆست ئەمریکی ئاشکرا کرد کە زەرەدەیل ئاگر لۆس ئانجلەس رەسێدە 50 ملیار دۆلار.