شه‌فه‌ق نيوز/ سه‌يف بن ئه‌حمه‌د ئال دويه‌م، وه‌ڕيه‌وبه‌ر نويسينگه‌ێ په‌يوه‌ندێ حكومى له قه‌ته‌ر، ئاشكراێ ئه‌وه كرد ك حاڵ حازر هويچ په‌يوه‌ندييگ له‌ناونى دۆحه و ئخوان موسلمين نيه و باس له‌وه‌يش كرد ك گشت تومه‌تيليگ له‌ێ باوه‌ته‌و دژ قه‌ته‌ر ك گوايا پشتگيرێ جه‌ماعه‌ت ئخوان ئه‌كا دعايه‌يل مسريه.
سه‌يف ئال دويه‌م له ديمانه‌يگ وه‌ل رووژنامه‌ێ"لۆس ئه‌نجلس تايمز"ئه‌مريكى ك ئمڕوو ده‌قه‌گه‌ێ بڵاو كريا، وت: هويچ په‌يوه‌ندييگ له ناونێ ئيمه‌و ئخوان موسلمين نيه‌و گشت ئى تومه‌ته‌يليشه دعايه‌ێ مسره و هه‌ناێ ك سه‌رباز له حوكم بوێ پشتگيرى مسر كرديم له‌ڕوێ ئابوورێ و بڕيگ پويل خستيمنه بانك ناوه‌ندێ مسرێ و په‌نج وه‌جبه غاز وه په‌تى كلكرديم وه‌ل چشته‌يليگ تر جوور پشتگيرێ وه‌رجه ره‌سين محه‌مه‌د مرسى ئه‌رت ده‌سڵات و دويا وه‌جه‌به‌ێ كلكردن غازيش له ساڵ 2016 بوێ ئه‌را ملله‌ت مسرێ و گرينگ نه‌وێ له‌لامان كى له ده‌سڵات بوێ و پشتگيرى ئخوان نه‌كرديم.
جى باسه، وه‌ڕيه‌وبه‌ر په‌يوه‌نديه‌يل حكومى قه‌ته‌رێ هه‌ميش وت: وه نسبه‌ت ئه‌را ئيمه ئه‌وه‌گ له مسر روێدا كاريگ ناوخوه‌يى بويه‌و ملله‌تيش هه‌وه هه‌ڵوژان چشتيگ نه‌كه‌ن له‌وه‌رانوه‌ر ئه‌و رويداگه‌و هه‌ر وه‌و خاتريشه حورمه‌ت رايان گريم.