شه‌فه‌ق نيوز/ قه‌ته‌ر وه ره‌ته‌وكردن داواكارێ ده‌وڵه‌ته‌يل داوڕياگ "سعوديه و ئيمارات و به‌حره‌ين و مسر" گرژێ قه‌بول كرد و موڵه‌ته‌گه‌يش ته‌نيا هه‌ر ئمڕووه تا ئيواره.
محه‌مه‌د بن عه‌بدولڕه‌حمان ئال دويه‌م وه‌زير خارجيه‌ێ قه‌ته‌رێ له لێدوانه‌يليگ له رۆما وت: ليست داواكاريه‌يل ره‌ته‌و ئه‌كه‌يم و ئيمه خوازيار گفتگوويم، وه‌لێ وه مه‌رجه‌يل گونجياگ و بنگه‌ێ سه‌ربازێ توركييش ناوه‌سيم و كه‌ناڵ ئه‌لجزيره‌يش ك باره‌گاێ ها ئيماره‌ت ناوه‌سيه‌ێد جوور ئه‌وه‌گ ده‌وڵه‌ته‌يل داواكارن.
جى باسه، له وه‌رانوه‌ر ئه‌وه‌يش ده‌وڵه‌ته‌يل داوڕياگ له قه‌ته‌ر ئاشكراێ به‌ڵگه‌يل فيشتر كردن ك ده‌س دۆحه له‌تيان بويه له ته‌مويل ترۆر و هانداين تون وتيژى له ناوچه‌گه، ئه‌ويش له زووان عومه‌ر سه‌يف غوباش باڵوێز ئيمارات له روسيا له لێدوانيگ ك تايمز بريتانى بڵاويه‌و كرد و له‌تى وت: ده‌وڵه‌ته‌يل كه‌نداو به‌ڵگه‌يل فريه‌يگ ديرن له‌باره‌ێ ده‌سداشتن قه‌ته‌ر له پشتگيرى ترۆر له ناوچه‌گه.